Aravot.am-ը փետրվարի 18-ին Ղարաբաղ կոմիտեի անդամ Աշոտ Մանուչարյանից խնդրեց մեկնաբանել «Բարգավաճ Հայաստան» կուսակցության քաղաքական խորհրդի հայտարարությունը փետրվարի 20-ին նախատեսված հանրահավաքը չեղյալ համարելու մասին:
«Սա այն դեպքն է, երբ օլիգարխիան որոշումներ կայացնելուց ժողովրդի գործոնը մի կողմ է դնում: Եթե ժողովրդի գործոնը լիներ մեջտեղում, ուրեմն՝ կարող էր անգամ այսպիսի հայտարարություն լիներ, բայց պարտադիր պետք է ժողովրդին ասվեր, թե ինչ է լինելու: Իսկ այսպես օլիգարխիան հերթական անգամ կատարեց այն, ինչ որ կատարում է, մնացածը կտեսնենք»:
Անդրադառնալով Գագիկ Ծառուկյանի հայտարարությանը ՝ Աշոտ Մանուչարյանն ասաց, որ տոնայնության մեջ առաջարկություն է տեսնում եզրեր, ելքեր փնտրելու. «Սա նշանակում է, որ առայժմ պայմանավորվածություններ կոնկրետ չկան, կա պայմանավորվածություն պայմանավորվածություններ փնտրելու համար, միգուցե»:
Ամի ՉԻՉԱԿՅԱՆ
