«Արագած Ախոյանը, Բելաջիոյի Գրիշը, այդ մարդիկ միշտ էլ պահը գա՝ փախնելու են: Բայց երբ իշխանությունը փոխվի, իրանք զադնի չունեն արդեն: Իրանք ոչ մի եղանակ չեն ստեղծում եւ այնպես չի, որ ԲՀԿ-ի կամ համաժողովրդական շարժման ապագան կախված է Ախոյանից կամ Բելաջոյի Գրիշից: Օրինակ, Բելաջիոյի Գրիշը չգիտեմ ինչ էր, հետո Տիգրան Կարապետյանի ցուցակ էր մտնում: Այսինքն, եղանակ չստեղծող են»,- Aravot.am-ի հետ զրույցում Հարություն Ղարագյոզյանի եւ Գրիգորի Մարգարյանի՝ ԲՀԿ-ից դուրս գալու լուրն այսպես մեկնաբանեց «Ազգային համաձայնություն» կուսակցության նախագահ Արամ Հարությունյանը:
Ըստ նրա, « Իշխանությունը հոգեվարքի մեջ է, ձեռքը գցել է փրփուրներից, ուզում է ինչ-որ մարդկանց ստիպելով ցույց տան ժողովրդին, որ տեսեք, ԲՀԿ-ն պառակտվում է: Բայց դա ոչ մի բան չի փոխելու, ժողովուրդը ԲՀԿ-ի հետ է, ամբողջ ժողովրդի 99.9 տոկոսն է այս իշխանություններին դեմ: Այնպես որ, ԲՀԿ-ն թուլացնելու այս ակցիաները որեւէ դեր չեն խաղում: Հիշո՞ւմ եք գեներալ Մանվելն ինչ ասեց՝ վերջին բոլշեւիկն է: Հիմա ՀՀԿ-ից վերջին բոլշեւիկ Սերժ Սարգսյանը դուրս կգա վերջինը, թե Բելաջոյի Գրիշը, թե ասենք Արագած Ախոյանը՝ էական չի, որովհետեւ եղանակ չստեղծող են»
ԱԺ-ից հաստատվեց, որ ԲՀԿ խմբակցության պատգամավորներ Հարություն Ղարագյոզյանը եւ Գրիգորի Մարգարյանը ԱԺ նախագահ Գալուստ Սահակյանին ԲՀԿ խմբակցությունից դուրս գալու դիմում են արդեն ներկայացրել: Ընդ որում, Հարություն Ղարագյոզյանն իր դիմումում նշել է, որ ԲՀԿ-ն սպառնում է ՀՀ անվտանգությանն ու խաղաղությանը, դրա համար հրաժարվում է ԲՀԿ անդամությունից: Արամ Հարությունյանի խոսքերով՝ «Մեկը եթե դավաճանում է սկզբունքները, չնայած այդ մարդիկ սկզբունք չունեն, երբ վախեցած են կամ կիսավախեցած վիճակ են, ինչ թղթի տակ ասես կստորագրեն: Այնպես որ, ես վախեցած մարդու հայտարարությունները չեմ կարող մեկնաբանել»:
Մեր հարցին՝ նրանց ստիպե՞լ են, որ ԲՀԿ-ից դուրս գան՝ Արամ Հարությունյանը պատասխանեց. «Այսինքն` մտածում եք, որ Կարամելի Հարութը տենց վեհ զգացումներից ելնելով պետականության կամ երկրի անվտանգության մասի՞ն է մտածում: Ինքը իր բիզնեսի մասին է մտածում: Բնական է, որ ինչ թուղթ էլ տային՝ կստորագրեր»:
Կարդացեք նաև
Մեր դիտարկմանը, որ ԲՀԿ ղեկավարությունը բացառել էր «առնետավազքը» ԲՀԿ-ից՝ Արամ Հարությունյանը պատասխանեց. «Իրենք երեւի ավելի լավ կարծիքի են այդ մարդկանց մասին: Բայց պարզվեց՝ այդպես չի: Մարդիկ միշտ ուզում են ավելի լավ կարծիքի լինել, բայց այդպես չէր»:
Մեր հարցին՝ ԲՀԿ-ից նոր արտահոսք սպասո՞ւմ եք՝ նա պատասխանեց, որ դա էական չի. «Ժողովուրդն է կարեւոր, Ծառուկյանն է կարեւոր, բոլոր կուսակցությունները, որոնք համախմբված են համաժողովրդական շարժման մեջ, նրանք են կարեւոր: Այնպես չի, որ իշխանափոխությունը կախված է լինելու Ղարագյոզյան Հարութից կամ Յուվեցի Կարոյից: Կարոն միշտ թռել ա: Կարոն Ջհանգիրյանից է թռել, ումից ասես թռել է: Հասկանո՞ւմ եք, թռած մարդկանց մասին խոսելն անիմաստ է»:
Հռիփսիմե ՋԵԲԵՋՅԱՆ
“ժողովուրդը ԲՀԿ-ի հետ է, ամբողջ ժողովրդի 99.9 տոկոսն է այս իշխանություններին դեմ ”
Ամբողջական հոդվածը կարող եք կարդալ այս հասցեով՝ https://www.aravot.am/2015/02/17/543209/
© 1998 – 2015 Առավոտ – Լուրեր Հայաստանից
😀
Շատ զվարճալի էր: Լավ կլինի նաև պարզաբանի, թե “Ամբողջ ժողովուրդ” ասելով ո՞ր երկրի/քաղաքի կամ գյուղի ժողովրդին ինկատի ունի
Այ, Արամ Հարությունյանը եղանակ ստեղծող է…