Սերժ Սարգսյանն Ազգային ժողովից պաշտոնապես ետ է կանչել հայ-թուրքական արձանագրությունները։
Նկատենք, որ Սերժ Սարգսյանի այս քայլը պատահական չէր, եւ այսպես նա փորձում է նաեւ ներքաղաքական խնդիր լուծել։
«ՉԻ»-ն այս կապակցությամբ տեղեկացրել էր, որ ՀՅԴ-ն իշխող կոալիցիա վերադառնալու հող է նախապատրաստում, մանավանդ որ Սերժ Սարգսյանը ՀՅԴ բյուրոյի ներկայացուցիչ Հրանտ Մարգարյանի հետ հանդիպման ժամանակ խոստացել էր՝ 2015թ. տարեսկզբին ԱԺ-ից ետ կանչել հայ-թուրքական արձանագրությունները, եւ այդպես վերացնել իշխանությունների հետ ՀՅԴ համագործակցությանը խանգարող «գաղափարական» խոչընդոտը, փոխարենը՝ ՀՅԴ-ն պետք է համաձայնվեր սահմանադրական փոփոխությունների հարցում իշխանություններին սատարելուց։ Հիմա, փաստորեն, Սերժ Սարգսյանը կատարեց իր խոստումը՝ իր սահմանադրական փոփոխությունները սատարող ՀՅԴ-ի հանդեպ։ Ընդ որում, նա այս քայլին գնաց այն ժամանակ, երբ տեսավ՝ ներքաղաքական բուռն իրադարձություններին ընդառաջ նա հայտնվել է բացարձակ միայնության մեջ ու հիմա փորձում է գոնե ՀՅԴ-ին իրեն դաշնակից դարձնել։
ՀՅԴ բյուրոյի քաղաքական ներկայացուցիչ Աղվան Վարդանյանը «ՉԻ» հարցին, թե այսքանից հետո վերադառնալու եք արդյոք իշխող կոալիցիա, նշեց. «Մենք այսօր նման հարց չենք քննարկում»։
Կարդացեք նաև
Վարդանյանը նաեւ հավելեց, որ իրենք կոալիցիայից միայն հայ-թուրքական արձանագրությունների պատճառով չեն դուրս եկել:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
