ԲՀԿ-ական նախկին պատգամավոր Վարդան Բոստանջյանը կոչ է անում ԲՀԿ-ական պատգամավորներին «արժանապատվորեն» վայր դնել մանդատները եւ «ազնիվ ու արդար» պայքարել իշխանափոխության համար։
– Լո՞ւրջ է արդյոք այս ամենը, եթե Սերժ Սարգսյանի ելույթի առանցքում գրագիտության մասին ընդգծումներն են՝ այն պարագայում, երբ անգամ ձեր կուսակցության ղեկավար Գագիկ Ծառուկյանի խնամին է նշում, որ քաղաքականությամբ զբաղվելու համար խելք պետք չէ։
– Ախր այնպիսի մի հարց է դրվում, կարծես թե իրենք գրագիտությունից թոզ ու դուման են արել, մի հատ եկեք տեսնենք՝ էդ ո՞վ է ձեր միջի այդ սարսափելի գրագետը, իսկ ո՞վ է խաբել, որ ինչ-որ մեկն ահավոր, մահացու գրագիտություն ունի։
– Սերժ Սարգսյանի սպառնալից հայտարարությունները եւ հարկային ստուգումներ իրականացնելու հրահանգը ոչ պակաս վախով են պատել նաեւ ԲՀԿ-ն. լուրեր կան, որ ԲՀԿ-ական գործարարները լքում են կուսակցությունը։ Չե՞ք կարծում, որ այսպես շարունակվելու դեպքում շարքերը կնոսրանան։
Կարդացեք նաև
– Ես չգիտեմ, թե ովքեր են դուրս եկել, ովքեր են պատրաստվում, բայց գիտեմ, մարդկության պատմությունը ցույց է տալիս, որ զարմանալ պետք չէ։ Կզաքիսներ, մանկուց կոմպլեքսավորվածներ միշտ եղել են հասարակության մեջ։ Հիմա դրանք հանգամանքների բերումով հանգրվանած են եղել ԲՀԿ-ում, ՀՀԿ–ում կամ մեկ այլուր, բացարձակապես նշանակություն չունի։ Նշանակություն ունի միայն այն, որ նման իրավիճակներում նման կռիսները հենց այդ վարքագիծը պետք է դրսեւորեն։ Հիմա կռիսին չեք կարող ասել՝ խորտակվող նավը մի թողեք։
Լուսինե ՇԱՀՎԵՐԴՅԱՆ
Հարցազրույցն ամբողջությամբ կարող եք կարդալ «Հրապարակ» թերթի այսօրվա համարում
