Արարատ քաղաքի Ոսկու կորզման ֆաբրիկայի բանավանում 2007թ.-ին կառուցվող նոր դպրոցի շինարարության դադարեցումից հետո ոչ մի քար կիսակառույցին չի ավելացել, տարածքն անտերության է մատնված, այն ամբողջովին դարձել է խոտածածկ ու աղբով շրջապատված:
Նախորդ տարիների «Առավոտի» հրապարակումներում քաղաքաշինության նախարարությունը հաստատել է, որ մեծ գումար է ծախսվել այս շենքի կառուցումը սկսելու համար, եւ հենց այդ պատճառով էլ չեն կարող չշարունակել շինարարությունը, իսկ դադարեցվել է, քանի որ տնտեսական ճգնաժամն է վրա հասել:
Բայց մինչեւ ճգնաժամն անցնի, կիսակառույցն ավերակ կդառնա, արդեն «ծախսված
միլիոնները» գետնին կհավասարվեն:
Շինարարության դադարեցման ժամանակ ամենաշատ շրջանառվող վարկածն այն էր,
որ դպրոցի տեղն էր սխալ ընտրված, «կառավարությունը չէր հավանել»:
Կարդացեք նաև
Լուսանկարը՝ ՀՌԻՓՍԻՄԵ ՀՈՎՀԱՆՆԻՍՅԱՆԻ
«Առավոտ» օրաթերթ
14.02.2015
