Մարտի 15-ին Տավուշի մարզկենտրոն Իջեւան քաղաքում կկայանան համայնքի ավագանու ընտրություններ: Ավագանու 15 տեղի համար առաջադրվել է 21 թեկնածու: Ավագանու անդամների թեկնածուների գրանցումը կկատարվի մինչեւ փետրվարի 18-ը:
Տավուշի մարզի թիվ 41 ընտրատարածքային ընտրական հանձնաժողովի նախագահ Աիդա Սարգսյանից տեղեկացանք, որ առաջադրված թեկնածուների մեջ կան տարբեր կուսակցությունների անդամներ, սակայն բոլոր թեկնածուներն էլ հանդես են եկել ինքնաառաջադրմամբ:
Թեկնածուների մեջ միայն մեկ կին կա` Իջեւանի վարժարանի տնօրեն, ՀՀԿ անդամ, 1964թ.ծնված Հասմիկ Ամիրյանը, որն այժմ էլ հանդիսանում է Իջեւան համայնքի ավագանու անդամ:
Ոսկան ՍԱՐԳՍՅԱՆ
