«Առավոտի» հարցին՝ 4-րդ գումարման ԱԺ-ում Գագիկ Ծառուկյանը 511 բացակայություն է ունեցել, դարձյալ ակտիվ չի եղել, տարիներ առաջ Ռոզա Ծառուկյանը պարզ հայտարարեց, որ հարկեր չենք վճարում, որովհետեւ կազինոներում են խաղում, այսինքն՝ այնպես չի, որ դա նորություն է եղել, ինչո՞ւ եք հիմա որոշել պայքարել դրա դեմ, ՀՀԿ պատգամավոր Հովհաննես Սահակյանը պատասխանեց. «Դրա համար էլ ասում ենք՝ եթե կազինոներում ենք կրվել, տեսնենք՝ կրվե՞լ ենք, եւ տեսնենք՝ իրենք կազինոներում կրվո՞ւմ են, թե՞ ոչ, իրենք հարկեր թաքցնո՞ւմ են, թե՞ ոչ, իրենք այլ գործունեությամբ զբաղվո՞ւմ են, թե՞ ոչ:
Որպես քաղաքական գործիչ, տղամարդ, հասուն մարդ՝ երբ որ բառ ես արտաբերում, նաեւ պետք է դրա հետեւանքների մասին մտածես: Պիտի կարողանաս պարզ հայերենով բացատրել, թե ինչ ես ասում: Ինչպե՞ս կարող ես քննադատել մի երեւույթ, երբ դու կարող ես լինել դրա մեջ: Ո՞ր ժողովրդավարական երկրում է ընդդիմադիրը իշխող կուսակցության հետ հավասար պայմաններում գնում առաջ»:
Հ. ՋԵԲԵՋՅԱՆ
«Առավոտ» օրաթերթ
14.02.2015
Ո՞ր ժողովրդավարական երկրում է, նաեւ, որ ընտրության պարտված, փոքրամասն հատվածը, փողոց է իջնում սոյն ընտրությունից մինչեւ յաջորդ ընտրություն երկարող լրիւ ժամանակաշրջանին, տեւական սպառնալիքներով եւ հայհոյանքներով, պահանջելու համար որ ընտրված իշխանությունը հրաժարի եւ հեռանայ, որ մեծամասնության կամքը չեղյալ համարվի եւ յեղաշրջվի…