Իրազեկ քաղաքացիների միավորումը դատի է տվել ՀՀ դատախազությանը
Ս.թ. փետրվարի 3-ին ՀՀ Դատախազությունը հայտարարել էր, որ գլխավոր դատախազ Կոստանյանը դիմել է ՌԴ դատախազ Չայկային` Վալերի Պերմյակովի գործի վարույթը հայկական կողմին փոխանցելու խնդրանքով: Սակայն նամակի բովանդակությունը չէր հրապարակվել:
Փետրվարի 4-ին «Իրազեկ Քաղաքացիների Միավորումը» դիմել էլ գլխավոր դատախազին` պահանջելով տրամադրել նամակի պատճենը:
Ու թեև «Տեղեկատվության ազատության մասին» ՀՀ օրենքը ենթադրում է, որ հարցված տեղեկությունները պետք է տրամադրվեն 5-օրյա ժամկետում, դատախազությունը առ այսօր չի տրամադրել պատասխանը:
Կարդացեք նաև
Այդ իսկ պատճառով «Իրազեկ Քաղաքացիների Միավորումը» այսօր ՀՀ Վարչական դատարան հայցադիմում է ներկայացրել` պահանջելով պարտավորեցնել դատախազությանը, որ վերջինս տրամադրի ՀՀ դատախազ Կոստանյանի` ՌԴ դատախազ Չայկային ուղղված նամակի պատճենը:
«Իրազեկ Քաղաքացիների Միավորում»
