Կենտրոն եւ Նորք-Մարաշ վարչական շրջանների ընդհանուր իրավասության դատարան էին բերվել Գեւորգ եւ Հովհաննես Խաչատրյանները: Դատարանում էին նաեւ 3 կին տուժողները՝ Սիրանուշ Պետրոսյանը, Աշխեն Սողոմոնյանը եւ Սուսաննա Օհանյանը: Սակայն մեղադրող Աննա Հովհաննիսյանը դատարանին անհայտ պատճառով չէր ներկայացել եւ դատավոր Գագիկ Պողոսյանը հայտնեց, որ դիմելու է շրջանի դատախազին՝ նրա նկատմամբ համապատասխան միջոցներ ձեռք առնելու համար:
Դատախազի պատճառով հերթական անգամ հետաձգվեց հերթական նիստը:
Տեղեկացնենք, որ ամբաստանյալները մեղադրվում են կին տուժողների պարանոցներից ոսկե շղթաներ գողանալու համար: Նրանց պաշտպանությունն իրականացնում են Անժելա Հոբոսյանը եւ Արմեն Նադիրյանը:
Դատական հաջորդ նիստը նշանակվեց մարտի 5-ին:
