«Գյումրիի բողոքի ակցիայի մասնակից Մնացական Ալեքսանյանին երեկ այնուամենայնիվ մեղադրանք է առաջադրվել՝ զենքի կամ որպես զենք օգտագործվող առարկաների գործադրմամբ կատարված խուլիգանության համար։ Այդ հոդվածը ենթադրում է ազատազրկում՝ 4-7 տարի ժամկետով։
«ՉԻ» – Զավեշտն այն է, որ նրա փաստաբանի խոսքերով՝ «ասում են, որ Մնացականը կոպիտ կերպով խախտել է տեղի բնակիչների հանգիստը, օբյեկտների բնականոն աշխատանքը» եւ այլն։ Այսինքն՝ գյումրեցիներն իրենց տներում հանգստանում կամ օբյեկտներում «տժժում էին», իսկ Մնացականը բռնել ու կոպիտ կերպով խաթարել է այդ իդիլիան։ Իսկ օբյեկտների բնականոն աշխատանքը խաթարելու համար 4-ից 7 տարին, հասկանալի է, դեռ մի բան էլ քիչ է։
Իսկ ահա ոստիկանության հատուկ ստորաբաժանումները, պարզվում է, այդ օրը «զենքի կամ որպես զենք օգտագործվող առարկաների գործադրմամբ» ոչ մի բան էլ չեն խաթարել:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
