Սոխի օգտագործումը շատ կարեւոր է օրգանիզմի համար, քանի որ այն փափկեցնում է ստամոքսը եւ վերացնում բերանի վատ հոտը: Թարմ սոխը ուտելը շատ լավ է ազդում հիստերիկ ցնցումների, վարակիչ հիվանդությունների ժամանակ, իսկ թարմ սոխից պատրաստված խյուսը փաթաթում են թարախային վերքերի վրա, ինչը նպաստում է թարախի մաքրմանը, նվազեցնում ցավը եւ արագացնում լավացումը: Այն լավ միջոց է այրվածքները եւ ցրտահարվածությունները բուժելու համար` կանխում է բշտիկների առաջացումը եւ բորբոքային պրոցեսը: Սոխի խյուսը կամ հյութը օգտագործում են մազերի աճն արագացնելու եւ լավացնելու, թեփը վերացնելու համար` գլխի մաշկին քսելով շաբաթական 1-2 անգամ, ինչպես նաեւ լավ միջոց է դեմքը կնճիռներից պաշտպանելու համար:
Սոխի հյութը նաեւ անգինայի դեմ է լավ, հյութը խմել թարմ վիճակում՝ մեկական թեյի գդալ՝ օրական 3-4 անգամ:
Գլուխ սոխի 500 մլ ոգեթուրմը խառնել նույն քանակի 96%-անոց սպիրտի հետ, պահել մութ տեղ, մուգ շշի մեջ, խմել 1-ական ճաշի գդալ 5 շաբաթ շարունակ՝ շաքարախտի դեմ: Ընդհատումը 2-3 շաբաթ, հետո կրկնել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
12.02.2015
