2014 թվականի նոյեմբերի 27-ին անհայտ անձանց կողմից ծեծված Հիմնադիր խորհրդարանի անդամ Գեւորգ Սաֆարյանը ոչ մի նորություն չունի ծեծով հարուցված քրեական գործից:
«Ոչ մի փոփոխություն չկա ու չի էլ լինելու: Որոշ բյուրոկրատական գործողություններ արեցին, հարցաքննեցին ու վերջացավ գործի քննությունը»,- Aravot.am-ին ասաց Սաֆարյանը:
Նա պատմեց, որ նույնիսկ իրեն ծեծի ենթարկած վայրի տեսախցիկները չեն առգրավվել քննության առնելու համար. «Տեսախցիկների տեսագրությունը չի առգրավվել, որոնք ակնհայտ ցույց էին տալու հանցագործների դեմքերը: Ոստիկանությունը, եթե ուզեր, վաղուց արդեն բացահայտած կլիներ, որովհետեւ դեպքը տեղի է ունեցել տեսախցիկների առջեւ: Բայց, քանի որ ռեժիմը չի պատրաստվում իր զավակներին պատժել, այս գործը կմնա այնքան, մինչեւ ռեժիմը կտապալվի: Սա միանշանակ կազմակերպված էր ռեժիմի կողմից, եւ աննորմալ կլիներ, որ ռեժիմն ինքն իրեն պատժեր»:
Արփինե ՍԻՄՈՆՅԱՆ
