Գյումրիում Ավետիսյանների ընտանիքի անդամների սպանության մեջ մեղադրվող Վալերի Պերմյակովին ՀՀ իրավապահներին հանձնելու պահանջով գլխավոր դատախազ Գեւորգ Կոստանյանի դիմումի հրապարակման պահանջով այսօր մի խումբ ակտիվիստներ հավաքվել էին դատախազության շենքի մոտ:
Ռուս պաշտոնակցին Կոստանյանի ուղարկած դիմումից օրվանից ինն օր է անցել, ռուսական կողմից ոչ մի արձագանք:
Բացի գլխավոր դատախազի դիմումի վերաբերյալ պահանջներից, ակտիվիստները մի շարք հարցերի պատասխանի են սպասում:
Օրինակ Դանիել Իոաննիսյանը մտահոգված է, որ ՀՀ իրավապահները առ այսօր Վալերի Պերմյակովի նկատմամբ խափանման միջոց չեն ընտրել. «Մի ամիս է, որ սպանության մեջ է մեղադրվում, բայց խափանման միջոց չի ընտրվել»:
Կարդացեք նաև
Նա նաեւ դատապարտեց գյումրեցի երիտասարդների նկատմամբ խուլիգանության մեղադրանք առաջադրելը, այն դեպքում, որ ոստիկանները առաջինը խախտեցին օրինախախտությունները. «Ոստիկանությունը փակեց խաղաղ հավաքի ճանապարհը՝ չթողնելով ցուցարարներին մոտենալ ՌԴ հյուպատոսությանը, իսկ նման իրավունք չունեին: Հավաքների ազատության մասին օրենքը սահմանում է այն վայրերը, որի հարակից չի կարելի հավաք անել, իսկ այդ շարքում հյուպատոսությունները, դատախազությունները չեն մտնում»:
Նրա խոսքով, առաջին հերթին պետք է քննության առարկա դառնար, թե ինչու ոստիկանները փակեցին ճանապարհը, ինչու քաղաքացիների նկատմամբ կիրառեցին հատուկ միջոցներ, նոր միայն ցուցարարների գործողությունները:
Դանիել Իոաննիսյանը, անդրադառնալով Ավետիսյանների իրավահաջորդների փաստաբանի՝ Երեմ Սարգսյանի ընտրությանը, ասաց՝ պատահական չէր. «Նա նախկին քննիչ է, ու ոչ ես, ոչ հանրության մի զգալի մասը վստահություն չունենք Սարգսյան Երեմի անաչառության վրա: Մեզ հայտնի է, որ քննչական մարմիններն ու ոստիկանությունն ավանդույթ ունեն իրենց փաստաբաններն ունենալ ու գործում ներգրավվել նրանց, որ որոշ հարցերի վրա աչք փակեն: Մտավախություն ունենք, որ սա այդ դեպքերից է»:
Մանրամասները՝ տեսանյութում
Արփինե ՍԻՄՈՆՅԱՆ
Ի՞նչու ՀՀ իրավապահ մարմինները անմիջապես չեն ձերբակալում մեղադրյալին,որը ռուսական բազայի կողմից առևանգվել և ապօրինաբա՛ր թաքցվել է այնտեղ: Սա՛ է ՀՀ օրենքը. այն շատ հստակ է:
Ի՞նչու ՀՀ իրավապահ մարմինները քրեական գործեր դեռ չեն հարուցել ռուսական բազայի դեմ՝ ՀՀ օրենքը կոպտորեն խախտելու համար:
Որտե՞ղ է ՀՀ ԱԳ նախարարի բողոքի նոտան Ռուսաստանին՝ երկկողմանի միջազգային պայմանագիրը խախտելու համար:
Ի՞նչու ՀՀ գլխավոր դատախազը դեռ պաշտոնին է: