ԼՂՀ նախագահի մամուլի խոսնակ Դավիթ Բաբայանը հայտարարել է, թե Ժիրայր Սեֆիլյանն «ուզում էր մեկ-մեկուկես ժամ եթերով իր քարոզչությունն աներ՝ այն դեպքում, երբ Արցախի Հանրային հեռուստաընկերությունն իր ծրագրերը կես տարի առաջ է պլանավորում», հետեւաբար դա անհնար էր։
«ՉԻ» – Բա եղա՞վ, Դավիթ։ Այսինքն՝ եթե աշխարհում ինչ-որ շատ կարեւոր իրադարձություն տեղի ունենա, Արցախի հեռուստատեսությունը դրան պիտի 6 ամիս հետո՞ անդրադառնա։ Կամ՝ այդ նույն հեռուստաընկերությունը որ օրեր շարունակ անդրադառնում էր այդ չարաբաստիկ ավտոերթին, վեց ամիս առա՞ջ էր պլանավորել:
Ի՞նչ է պատահել, կանգնեք տղամարդավարի հայտարարեք, որ նպատակահարմար չենք համարել Ժիրայր Սեֆիլյանին եթեր տրամադրելը, գտել ենք, որ դա կարող է բացասական հետեւանքներ ունենալ եւ այլն, «նախապես ծրագրերը պլանավորելն» ի՞նչ փաստարկ է։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
