Հայաստանի մասնակցությունը Եվրասիական տնտեսական միությունը հիմնավորված է տնտեսական հաշվարկներով. Եվրասիական բանկի կանխատեսումներով՝ Հայաստանի համախառն ներքին արդյունքը 4%-ով կաճի: Իսկ եվրոպացի տնտեսագետները կարծում են, որ այդ թիվը 2-3% կլինի:
«Էկոնոմիկա սեգոդնյա» կայքի հեղինակ Օլգա Պարամանովան իր դիտարկումներն է ներկայացրել, թե ինչ օգուտներ է ստանում Հայաստանը՝ մուտք գործելով Եվրասիական տնտեսական միություն:
Հայաստանի արտադրության մուտքը եվրասիական շուկա, ըստ հեղինակի, մեծ հաջողություն է: Հայաստանը այնտեղ մրցակցելու ավելի մեծ հնարավորություններ ունի, քան Եվրոպայի շուկայում: Բացի այդ, ըստ նրա՝ ՀՀ-ն օգուտ է ստանում ապրանքների, ծառայությունների եւ աշխատուժի ազատ տեղաշարժից: Հայաստանի բարձր որակավորում ունեցող մասնագետները կկարողանան առանց խնդիրների աշխատել Ռուսաստանի տարածքում:
Օլգա Պարամանովան նշում է, որ այս համագործակցությունը նաեւ Ռուսաստանի համար է շահավետ, քանի որ վերջինս փորձում է կամուրջ ստեղծել Եվրասիական տնտեսական միության եւ Եվրոպական միության միջեւ: Հայաստանը ոչ միայն ԵՏՄ անդամ է, այլեւ բազմաթիվ առավելություններ ունի Եվրոպական միության կողմից:
Կարդացեք նաև
Հեղինակը մեջբերում է Կովկասի ինստիտուտի ԱՊՀ հարցերով բաժնի վարիչ Վլադիմիր Եվսեեւի խոսքերը. «Երկիրը ոչ մեկից, ոչ էլ մյուսից չի պատրաստվում հրաժարվել»:
Եվսեեւի տվյալներով՝ 2013 թվականի Ռուսաստանի եւ Հայաստանի միջեւ առեւտուրը կազմել է 1 մլրդ 450 միլիոն դոլար, որից 334 միլիոնը Հայաստանի արտահանումն է, մնացածը՝ Ռուսաստանի: Հայաստանից հիմնականում արտահանվում է ալկոհոլ կամ ոչ ալկոհոլային խմիչքներ: Դրանք Հայաստանի արտահանման գրեթե կեսն են կազմում: Հայաստանից նաեւ արտահանվում է ձուկ եւ մարգարիտ: Ռուսաստանն էլ հիմնականում արտահանում է հանքային նյութեր եւ միջուկային վառելիք:
Հայաստանը, ըստ հեղինակի, ամենաշատը արտահանում է Ռուսաստան, այնուհետեւ Բուլղարիա, Բելգիա, Գերմանիա Իրան: Փաստորեն այդքան էլ շատ ապրանքներ չեն գնում ԵՏՄ: Ըստ ամենայնի երկիրը կփորձի պահպանել այսպիսի արտահանման քաղաքականությունը, քանի որ այսպես ստանում է արտարժույթ:
Պատրաստեց Աշոտ ԻՍՐԱԵԼՅԱՆԸ
