Ռուսաստանի դեմ պատժամիջոցները Եվրամիությանը արդեն 21 միլիարդ եվրո են արժեցել: Այս մասին, ըստ ռուսական TASS գործակալության, այսօր Եվրամիության երկրների արտաքին գործերի նախարարների հանդիպման ժամանակ հայտարարել է Իսպանիայի թագավորության արտաքին գործերի եւ համագործակցության նախարար Խոսե Մանուել Գարսիա-Մարգալիոն:
Իսպանացի նախարարը, մասնավորապես, ասել է. «Պատժամիջոցները բոլորին բավականին վնաս են հասցրել: Այս պահին Եվրամիությունը արտահանման անկման պատճառով կորցրել է 21 միլիարդ եվրո»:
Իսկ Եվրամիությունում հրաժարվել են մեկնաբանել այս հայտարարությունը: Եվրամիության պաշտոնական ներկայացուցիչ Մարգարիտս Սխինասը նշել է. « Ես կնախընտրեի հանպատրաստից չխոսել թվերի մասին: Սպասեք Եվրամիության արտաքին գործերով խորհրդի ամփոփիչ մամուլի ասուլիսին եւ իրենց ուղղեք այդ հարցերը»:
Պատրաստեց Աշոտ ԻՍՐԱԵԼՅԱՆԸ
