Հունվարի 29-ին՝ Ֆրանսիայի կողմից Հայոց ցեղասպանության ճանաչման օրը, Եվրոպական խորհրդարանի բելգիացի անդամ Գերոլֆ Անեմասը (ազգայնական կուսակցություն «Ֆլեմիշ ինթերեսթ») Եվրոպական խորհրդարանին է ներկայացրել մի օրինագիծ, որով Թուրքիային կոչ է արվում ճանաչել Հայոց ցեղասպանությունը:
Ֆրանսահայ անկախ լրագրող Ժան Էքյանի փոխանցմամբ՝ առաջարկը ստորագրել են նաեւ Ֆրանսիայի Ազգային ճակատ կուսակցության պատգամավորները, իրենց նախագահ Մարի Լեպենի գլխավորությամբ:
Օրինագծում, մասնավորապես նշված է.
ա) Հաշվի առնելով այն հեղափոխությունները, որոնք թույլ չտվեցին թուրքական կառավարությանը ճանաչել ցեղասպանությունը,
Կարդացեք նաև
բ) Հաշվի առնելով, որ իրադարձություններից մեկ դար անց եկել է հաշտվելու ժամանակը,
1. Կոչ է արվում Թուրքիայի կառավարությանը պաշտոնապես ճանաչել 1915 թվականին Օսմանյան կայսրության վերջին կառավարության կողմից Թուրքիայում ապրող հայերի դեմ իրականացված ցեղասպանությունը,
2. Հանձնարարվում է Եվրոպական խորհրդարանի թուրքական խմբակցության նախագահին ուղարկել այս բանաձեւը Թուրքիայի եւ Հայաստանի կառավարություններին, Հանձնաժողովին, Խորհրդին եւ Թուրքիայի ու Հայաստանի խորհրդարանների նախագահներին:
Պատրաստեց Աշոտ ԻՍՐԱԵԼՅԱՆԸ
