Այն, որ ամբաստանյալները կարող են համարվել ԳԼԽԱՎՈՐ, տեղյակ ենք բոլորս: Այն, որ վկաները կարող են ԿԱՐԵՒՈՐԱԳՈՒՅՆ համարվել, դրանից էլ տեղյակ ենք: Կարող են համարվել թիվ մեկ, թիվ երկու, համարակալվել, դրան էլ ծանոթ ենք:
Բայց, որ իրեղեն ապացույց ճանաչված կենդանին, այն էլ ոչխարը, այն էլ մատաղի ոչխարը, կարող է հանցագործության բացահայտման միջոց ծառայել, տեղեկացա այսօր:
Քրեական մի գործի շրջանակներում «նվեր» եմ ստացել լուսանկարում պատկերված քննիչի մի որոշում:
Ոստիկանության Շենգավիթ բաժնի քննիչի:
Ըստ այդ որոշման, քրեական գործ էր հարուցվել Հ. Չ-ի դեմ:
Հանցագործություն կատարելու կասկածանքով Երեւանի Արցախի փողոցից բերման էր ենթարկվել Անդրանիկ Ադաշյանը, նրա Մոսկվիչ մակնիշի ավտոմեքենան, Մոսկվիչի մեջ հայտնաբերվել էր ոչխարը:
Իրեղեն ապացույց ճանաչելու, ի պահ հանձնելու որոշման մեջ քննիչն արձանագրել էր. «ՙՆկատի ուենալով, որ մեկ հատ ոչխարը կարող էր գործի փաստական հանգամանքները պարզելու միջոց ծառայել, կցել որպես իրեղեն ապացույց» գործին:
Տուժողին պարզաբանվել էր նրա իրավունքները, եւ պարտավորեցվել, որ իրեղեն ապացույց ճանաչված, իրեն ի պահ տրված ոչխարը չոչնչացնի, չօտարի, պահի անվնաս, մինչ քրեական գործի վերջանական որոշում կամ դատավճիռ կայացնելը:
Քննիչը սակայն մի բան չէր արձանագրել որոշման մեջ. ոչխարն ունի՞ ազատ տեղաշարժման իրավունք կամ…տարածքից չբացակայելու:
Ռ.Մ.
