«Մենք հաճախ խոսում ենք ցեղասպանություններ վերացնելու մասին, բայց չենք խոսում ցեղասպանությունների պատճառները փնտրելու մասին»,- փետրվարի 6-ին «Հայելի» մամուլի ակումբում լրագրողների հետ հանդիպման ընթացքում ասաց Հովհաննես Թումանյանի անվան տիկնիկային թատրոնի տնօրեն Ռուբեն Բաբայանը:
Նա կարծում է, որ եթե չվերացնենք ցեղասպանության պատճառները, ապա ցեղասպանության կրկնվելու վտանգը մշտապես առկա կլինի:
Անդրադառնալով Հայոց ցեղասպանության 100-րդ տարելիցին կազմակերպվելիք միջոցառումներին` պարոն Բաբայանը նշեց, որ շատ դժվար է արվեստի գործը կապել որոշակի տարելիցի հետ. «Պատվերով ստեղծվում են հիմնականում վատ գործեր: Պետք է փորձել արվեստի գործ ստեղծելուց չափանիշները լինեն արվեստի, այլ ոչ թե քաղաքական, գիտական գործ ստեղծելուց գիտական չափանիշներ լինեն: Երբ որ մենք սկսում ենք ստեղծել ինչ-որ մի գործ, բայց չափանիշները լինեն ուրիշ ոլորտից, ո՛չ այստեղ հաջողության կհասնենք, ո՛չ՝ այնտեղ»:
Բագրատ եպիսկոպոսը համարում է, որ հայկական կողմը պետք է ոչ թե Հայոց ցեղասպանության 100-րդ տարելիցի շեմին պատճառներ փնտրեր, այլ այդ գործընթացը տարիներ առաջ սկսեր. «Մենք, հավանաբար, վախենում ենք պատճառներից խոսել, պատճառները միգուցե շատ դրական ցուցիչներ չպարզեն: Այսօր ինչ էլ, որ ստեղծելու լինենք, դա ռազմավարությունից պետք է բխի»:
Կարդացեք նաև
Ամի ՉԻՉԱԿՅԱՆ
