Ամերիկյան լրատվամիջոցները շատ ակտիվորեն գրում են Apple ընկերության մոտակա պլանների մասին։ Ամենաշատը քննարկվում է սեփական որոնողական համակարգ ստեղծելու լուրը։ Cult of Mac կայքը գրում է այս մասին՝ հիմնվելով ընկերության աշխատանքի հայտարարություններից մեկի վրա․ Apple-ն այս պահին փնտրում է Apple Search անունով ծրագրի ղեկավար։
Հաջորդ ամենաքննարկվող նորությունն Apple-ի սեփական երաժշտական ծառայություն թողարկելն է, որ կկոչվի Beats։ 9to5mac.com-ը գրում է, որ ծառայությունը սերտորեն կինտեգրվի օգտագործողի հեռախոսում առկա երաժշտադարանի հետ, կունենա սոցիալական ֆունկցիաներ և այլն։
Beats Music-ն ունի արդեն Android-հավելված, սակայն ընկերությունը, ըստ աղբյուրի, կթողարկի նոր Android-հավելված։
Re/code կայքը գրում է, որ Apple-ը պատրաստվում է թողարկել նաև որակյալ հեռուստատեսային ծառայություն, սակայն առայժմ հեռուստաալիքների հետ համաձայնության գալը դժվար է, և որոշակի արդյունքների մասին խոսելը դեռ վաղ է։
