«Այն, ինչ տեղի ունեցավ սահմռկեցուցիչ էր, ամենամղձավանջային երազում չէի պատկերացնի»,- փետրվարի 5-ին «Նյութ» մամուլի ակումբում լրագրողների հետ հանդիպման ընթացքում, անդրադառնալով Բերձորի դեպքերին, ասաց վերլուծաբան Ստեփան Սաֆարյանը:
Նա կարծում է, որ այդ միջադեպում, ինչպես որ մնացած նման միջադեպերում, առյուծի բաժին ունի իշխանությունը: Ըստ նրա՝ իշխանությունները բացառապես իրավունք չունեին նման հանձնարարություններ տալ. «Այս վիճակը՝ մեր տո՞ւնն է, թե՞ մեր տունը չէ, սահման կա՞, թե՞ չկա արդյունք է կիսաանորոշ վիճակի, որը պահպանվեց տասնամյակներ շարունակ եւ այդպես էլ հասկանալի չդարձավ, թե ինչ չափով եւ ձեւով է հայաստանցին մասնակցում այդ տարածքի շենացմանը: Դա միայն մանկապարտեզի խնդիր չէ, որ միայն փող տաս, դա պետականություն եւ քաղաքական ինստիտուտներ կառուցելու խնդիր է»:
Ստեփան Սաֆարյանը ցավում է, որ միջադեպից հետո ափսոսանքի խոսքեր չհնչեցին եւ խոսք չկա պատժված մարդկանց մասին. «Սա վերին աստիճանի վտանգավոր իրավիճակ է: Համաձայն եմ՝ Արցախի հերոսի հետ չի կարելի այդպես վարվել, բայց մյուսների հետ էլ այդպես վարվել չի կարելի: Մյուսները անուն չունեն, բայց մյուսները նույնպես Արցախի թիկունքն են, անգամ թշնամին չէր կարող այսպես հարվածել Հայաստանի թիկունքին, ինչպես Արցախի իշխանություններն արեցին»:
Մանրամասները՝ տեսանյութում
Կարդացեք նաև
Ամի ՉԻՉԱԿՅԱՆ
