«Global financial integrity» միջազգային կազմակերպության վերջին զեկույցի համաձայն, 2002–2012թթ. ընթացքում Հայաստանից ապօրինի արտահանվել է ավելի քան 7.5 մլրդ դոլար։
Հատկանշական է այն փաստը, որ Հայաստանից կապիտալի ապօրինի արտահանման ծավալներն էապես մեծացել են հենց Սերժ Սարգսյանի պաշտոնավարման ընթացքում։ Եթե 2006թ. ՀՀ-ից արտահանվել է 370 մլն դոլար, ապա հաջորդ տարի, այսինքն՝ նախագահական ընտրություններից առաջ, ապօրինի արտահանված գումարներն ավելի քան կրկնապատկվել են՝ հասնելով 804 մլն-ի։ 2008թ. ապօրինի կապիտալի արտահանումը կազմել է 1մլրդ 124 մլն դոլար, 2009թ.՝ 832 մլն դոլար, 2010թ.՝ 1մլրդ 44 մլն դոլար, 2011թ.՝ 1մլրդ 167 մլն դոլար, իսկ արդեն 2012թ. ապօրինի կապիտալի արտահանումը հասել է 1մլրդ 230 մլն դոլարի։
Խոստովանենք, որ Հայաստանի նման երկրի համար սա բավական լուրջ գումար է, մանավանդ, եթե հաշվի առնենք, որ ՀՀ պետական բյուջեն վերջին տարիներին տատանվել է 2.5-3 մլրդ դոլարի սահմաններում։ Այսինքն՝ Հայաստանից արտահանված ապօրինի կապիտալի ծավալները կազմել են պետական բյուջեի մոտ մեկ քառորդի չափ։
Արման ԳԱԼՈՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
