Ավետիսյանների սպանդից հետո Գյումրու ցույցերին մասնակցած ու երեկ Շիրակի մարզի դատախազ Րաֆֆի Ասլանյանի ցուցումով ձերբակալված Սառնաղբյուրի բնակիչ, 21-ամյա Մնացական Ալեքսանյանի հայրը՝ Մարտիրոս Ալեքսանյանը Aravot.am-ին տեղեկացրեց, որ երեկ 1 ժամ 40 րոպե շարունակ չէին թողնում, որ իր տղան փաստաբան ունենա: Իրենց խաբել են, թե տղան հրաժարվում է փաստաբանից:
Բազմաթիվ ահազանգերից հետո նոր միայն իր ընտրած փաստաբանը՝ Հայկ Հարությունյանը, կարողացել է մտել է Մնացականի մոտ՝ գիշերը մոտ 1.00 սահմաններում:
ՄնացականԱլեքսանյանը գտնվում է Ախուրյանի ձերբակալվածների պահպանման վայրում: Նրան արդեն իսկ առաջադրվել են մեղադրանքներ Քրեական օրենսգրքի 258 հոդվածի եւ 4 –րդ կետով եւ 316 հոդվածի 3-րդ կետերով: Ձերբակալված երիտասարդի հայրը համոզված է , որի տղային քավության նոխազ են դարձնում:
Գլխավոր դատախազությունից դեռ պաշտոնական պարզաբանում չեն ներկայացրել, մեր գրավոր հարցմանը դեռ չեն պատասխանել:
Կարդացեք նաև
Նշենք, որ այս ձերբակալությունը լարվածություն է մտցրել Գյումրիում, չի բացառվում, որ նոր բողոքի ակցիաներ սկսվեն հենց այս դեպքի հետ կապված:
Գյումրու ժուռնալիստների «Ասպարեզ» ակումբի նախագահ Լեւոն Բարսեղյանը եւս մեզ որոշակի մանրամասներ հաղորդեց տղայի ձերբակալության, փաստաբանին նրա մոտ չթողնելու մասին: Նրա հետ հարցազրույցը քիչ անց:
Նունե ԱՐԵՎՇԱՏՅԱՆ
Լուսանկարը՝ www.hetq.am-ի
