«Որպես պատմաբան, ես չեմ հիշում Հայոց պատմության ընթացքում մի դրվագ, որտեղ հայության բոլոր թևերը, կառույցները խփում են մի մեխի»,- ՀՀԿ ԳՄ նիստի ավարտից հետո, լրագրողների հետ զրույցում, այսպես բնութագրեց Ցեղասպանության 100-րդ տարելիցին ընդառաջ ընդունված համահայկական հռչակագրիրը ԱԺ փոխնախագահ Էդուարդ Շարմազանովը: Հռչակագրի ընդունումը նա որակում է իբրեւ պատմական իրադարձություն:
Էդուարդ Շարմազանովի գնահատմամբ, այդ փաստաթուղթը հայ ժողովրդի երազանքների, նպատակների, պահանջատիրության և հայրենատիրության ծրագիրն է, որտեղ հղում է կատարվում ՄԱԿ-ի երկու հռչակագրերին, հղում է արվում պատմական այն փաստին, որ դեռևս 15թ-ին Անտանտի պետությունների կողմից ընդունվել է հայտարարություն: Այդ փաստաթղթերում 1915 թվականի դեպքերը համարվել են մարդկության և քաղաքակրթության դեմ իրականացված հանցագործություն:
Էդուարդ Շարմազանովը կարեւոր է համարում նաեւ այն, որ հռչակագրում հղում է արվում Սևրի պայմանագրին և Վուդրո Վիլսոնի իրավական վճռին: Նա կարծում է, որ այդպիսով փաստվում է, որ ժամանակի հզոր խաղացողները հստակ դատապարտել են Հայոց ցեղասպանությունը:
Նելլի ԳՐԻԳՈՐՅԱՆ
Կարդացեք նաև
Շարմազանով, բայց դու հայ ե՞ս: Ազգանվանդ հետ ինչ-որ չի բռնում: