Բուդաղյանների գործով դատական նիստում ցուցմունք տվեց վկա Կարինե Հարությունյանը, որն ոաշխատում է Սուրիկ Խաչատրյանի տանը: Նա իր ցուցմունքում ասաց, որ աղմուկ լսեց, դուրս եկավ, մեքենա էր կանգնած, որի մոտ զրուցում էին տղաները: Հետո «Ժիգուլի» մակնիշի սպիտակ մեքենա եկավ, որից դուրս եկած Արտակ Բուդաղյանը սպառնալիքներ հնչեցրեց, շատ վատ բառեր էր ասում: Հրացանը վերցրած ասում էր` սպանելու եմ, Դեզոյի ցեղին վերացնելու եմ, հետո քաշքշոցներ` 2 եղբայրների միջև: Ավոն ասում էր` Լորետ քույրիկն է, ամեն ինչ լավ է: Հետո կրակոցներ: Նիկոլը թե` Կարինե` մեռա, մեռա:
Բուդաղյանների փաստաբան Հայկ Ալումյանի այն հարցին, թե` երբ Ավետիքը մեքենայից իջավ, զենք կա՞ր ձեռքին, Կարինե Հարությունյանտ պատասխանեց` չի հիշում, նույնիսկ երեկվա կերած հացը չի հիշում, եթե այդ հարցը 2013 թ. հունիսի 2-ին տար, կպատասխաներ, հիմա չի հիշում:
Հայկ Ալումյանը տարբեր տեսանկյուններից հարցեր էր ուղղում Կարինեի Հարությունյանին, պարզելու, թե Ավետիքի մոտ զենք կա»ր, թե` ոչ: Այստեղ վկան թե` թե կրթություն չունեմ, չեմ կարող պատասխանել, եթե կրթություն ունենար, Հայկ Ալումյանի տեղը նստած կլիներ:
Հայկ Ալումյանը միջնորդություն ներկայացրեց դատարանին` հրապարակելու Կարինե Հարությունյանի 2013 թ հունիսի 2-ին նախաքննական մարմնին տված ցուցմունքը: Այդտեղ նա չի նշել, որ Ավետիքի մոտ զենք կար: «Ինչո՞ւ հիմա հիշեցիք»,-հարցրեց Հայկ Ալումյանը: «Կարող է՝ ասել եմ, չեն գրել, այդ պահին չեմ հիշել»,-եղավ Կարինե Հարությունյանի պատասխանը:
Կարդացեք նաև
Հայկ Ալումյանը միջնորդություն ներկայացրեց դատարանին` ցուցադրելու դեպքի իրեն հետաքրքրող հատվածից, որից նա հարցեր ուղղեց Կարինե Հարությունյանին:
Դատարանում ցուցմունք տվեց գործով վկա Լարիսա Բարխուդարյանը, որը տուժող Լորետա Բարսեղյանի քույրն է:
Իսկ վկա Արման Հակոբյանը, որն Արտակ Բուդաղյանի բարեկամն է, ցուցմունք տալուց հրաժարվեց, ասելով, որ ցուցմունք կտա միայն փաստաբանի ներկայությամբ:
Նիստին չներկայացած, սակայն բժշկի տեղեկանք ուղարկած Նիկոլայ Աբրահամյանը, եթե հաջորդ նիստին էլ չներկայանա, ապա դատարանը ստիպված կլինի նրան բերման ենթարկել:
Նիստի վերջում Արտակ Բուդաղյանը դատարանում հանդես եկավ հայտարարությամբ, ասելով, բուժման նպատակով փետրվարի 8-20-ը պետք է բացակայվի Հայաստանից: Ուստի խնդրեց թույլտվություն: Դատարանը բավարարեց նրա խնդրանքը:
Հաջորդ նիստը կկայանա Կապանում:
Ալվարդ ՄԵՍՐՈՊՅԱՆ
