«Ցավում եմ, որ նման դեպք ունեցանք»,- այսօր խորհրդարանում, լրագրողների հետ զրույցում ասաց Արդարադատության նախարար Հովհաննես Մանուկյանը`պատասխանելով օրերս Բերձորում տեղի ունեցած Հիմնադիր խորհրդարանի անդամների եւ ԼՂՀ ոստիկանների միջեւ տեղի ունեցածին: Հովհաննես Մանուկյանը հույս ունի, որ համապատասխան քննությունը, որը պետք է իրականացվի, որոշակի պարզաբանում կմտցնի:
Լրագրողներից մեկի հարցին`իսկ ինչպե՞ս է գնահատում ԼՂՀ ոստիկանության գործողությունները, նախարարը պատասխանեց. «Ես չեմ կարող գնահատել առանց կոնկրետ փաստերի»:
Դիտարկմանը, որ տեսանյութ է հրապարակվել, նախարարը հակադարձեց. «Ես տեսանյութով չեմ կարող որևէ գնահատական տալ, ես փաստերով պետք է գնահատեմ, իսկ փաստերը միայն տեսանյութը չէ»:
Լրագրողների հարցին ի պատասխան՝ Հովհաննես Մանուկյանն անդրադարձավ նաև դերասան Վարդան Պետրոսյանի դատավճռի և քրեական հեղինակությունը՝ «Զապին» ազատ արձակելու վերաբերյալ հարցերին՝ նշելով, որ դեպքերի մեջ զուգահեռ չպետք է անցկացնել. «Դրանք շատ տարբեր հարցեր են, բացարձակ տարբեր հարթություններում և տարբեր հիմք ունեցող խնդիրներ են: Դրանք միմյանց հետ համեմատել չի կարելի»:
Կարդացեք նաև
Նելլի ԳՐԻԳՈՐՅԱՆ
