Հայաստանի գրողների միության Տավուշի մարզային բաժանմունքի ղեկավար, նոյեմբերյանցի գրող Սամվել Բեգլարյանը դեմ է, որ ազգությամբ ադրբեջանցի ֆուտբոլիստ Շամիլ Կուրբանովն ընդգրկվել է Հայաստանի առաջնության առաջատար «Ուլիս» թիմի կազմում:
Ս. Բեգլարյանն ասում է, որ Կուրբանովը խաղացել է Ադրբեջանի պատանեկան եւ երիտասարդական հավաքականների կազմում:
Բեգլարյանի կարծիքով` անթույլատրելի է Հայաստանի թիմերում շուրջ 80 լեգեոներների ընդգրկումը, երբ շատ հայ ֆուտբոլիստներ դուրս են մնացել Հայաստանի ակումբների ուշադրությունից:
Նա հիշեցնում է, որ շախմատի Ադրբեջանի հավաքականը հրաժարվել է հանդես գալ Ծաղկաձորում կայանալիք շախմատի աշխարհի թիմային առաջնությունում:
Կարդացեք նաև
Նշենք, որ Շ. Կուրբանովը ծնվել 1993թ. Ռուսաստանում, նա Նիժնի Նովգորոդի «Վոլգա» ակումբի ֆուտբոլային ակադեմիայի սան է, հանդես է գալիս պաշտպանի դիրքում:
Ի դեպ, Ս. Բեգլարյանը «Միկա » թիմի նախկին հարձակվող Նարեկ Բեգլարյանի հայրն է:
Ոսկան ՍԱՐԳՍՅԱՆ
Դու էլ հո թուրք չես թող գա խաղա: Վերջի -վերջով այս երկու ազգերը պիտի հաշտվեն թե դարերով պիտի կռվեն..
Թուրք չես-ի հարցը չի, թող խաղա, թող բոլորը խաղան..մենակ թե իմ երկիրը մաքսազերծում է Մերսեդեսը, իբր տեղական արտադրողի (հա-հա-հա) շահերը պաշտպանելով, իսկ էն, որ լիքը հայ տղաներ չեն կարողանում ֆուտբոլ խաղալ, ու դա ոչ մեկին հետաքրքիր չէ: Մարդուն ո՞նց մաքսազերծեն, չէ՞:
Իսկ Նարեկը, արտակարգ ֆուտբոլիստ էր, շատ լավ ֆուտբոլիստ, բայց ցավոք դա չնկատվեց:
Բացարձակ ճշմարտություն է Բեգլարյանի ահազանգը:Հակաճառողներին պետք է ուղարկել սահմանի բերան,որ հասկանան այս մարդու,հիանալի գրողի,սահմանի պահապան ազատամարտիկի մտահոգթյունը:Իսկ հրաշալի ֆուտբոլիստ Նարեկի մասին բարբաջանքներ մի տարածեք.