Մոտակա 4-5 տարիների ընթացքում Եվրասիական տնտեսական միությունում ռոումինգը կարող է հանվել։ Այս մասին հայտնել է Եվրասիական տնտեսական հանձնաժողովի մրցակցության և հակամենաշնորհային կարգավորման կոլեգիայի անդամ Նուրլան Ալդաբերգենովը։ Հաղորդում է ԲԵԼՏԱ գործակալությունը:
Ալդաբերգենովի խոսքով՝ ԵՏՄ երկրներում միջպետական ռոումինգի գների վերաբերյալ հետազոտություն է անցկացվել, իսկ մինչև տարվա վերջ կքննարկվեն միության երկրների բջջային օպերատորների հետ ռոումինգի գների նվազեցմանն ուղղված միջոցները:
Ալդաբերգենովն ընդգծել է, որ ռոումինգի զրոյացումը շահավետ կլինի ոչ միայն սպառողներին, այլ նաև բջջային օպերատորներին: Բացի այդ՝ Եվրամիության փորձը ցույց է տալիս, որ միջպետական ռոումինգից հրաժարվելու դեպքում օպերատորների ծառայությունների ծավալն ու շահույթը զգալիորեն կմեծանան։
«2015-ի գարնանը Մոսկվայում կստորագրվի ոումինգի զրոյացումը նախատեսող առաջին համաձայնագիրը»,- ավելի վաղ հայտնել էր Բելառուսի կապի ու տեղեկատվայնացման փոխնախարար Դմիտրի Շեդկոն։
Կարդացեք նաև
