«Ելուզակները դուրս եկան ու ձեռք բարձրացրին սրբության սրբոցի՝ կանանց ու երեխաների վրա, ու այսօր արդեն կատարվածը արդարացնողներ կան»,- այսօր «Հայելի» ակումբում Բերձորի միջադեպի մասին ասաց Գուրգեն Եղիազարյանը:
Նրա խոսքով, ինքը Ժիրայր Սեֆիլյանի գաղափարախոսությունը կիսողներից չէ, բայց Բերձորում կատարվածին արդարացում չկա. «Հարձակվեցին 23 տարեկանում անկողինը Բեյրութում թողած ու Ղարաբաղի ժողովրդի համար մարտնչող Ժիրայրի վրա: Ամբողջ իշխանությունների մեջ, եթե մեկը կար, որը վարկաբեկված չէր, Բակո Սահակյանն էր, Բակոյին էլ խայտառակեցին»:
«Վիրուս տարան»,- կատակեց նախկին պատգամավոր Ազատ Արշակյանը:
«Հրաման էլ կա, հրաման էլ: Հրաման իրագործողները ինչու են հարվածում մեքենայի ապակուն, էդ մեքենայի մեջ երեխաներ կան, երեխայի հոգեբանության վրա՞ են ուզում ազդել: Այդ ամեն ինչը կատարվել է ինքնաձիգերի կրակահերթի տակ: Այսինքն, դրանք կանանց ու երեխաների գլխին որոշակի օպերացիա են կազմակերպել: Սա թուրքի հետք է, մաքուր թուրքի հետք, որովհետև ԴՆԹ-ով հայը նման բան չի կարող անել»,- շարունակեց Գուրգեն Եղիազարյանը:
Կարդացեք նաև
Անդրադառնալով քննադատություններին, թե պատերազմական վիճակ է, ինչու գնացին, Գուրգեն Եղիազարյանը շարունակեց. «Արցախը Երեւանը չէր, 400 մեքենայով էլ գնային, այնտեղ ոչ մի բան չէր լինի, որովհետեւ Բակո Սահակյանն այնտեղ ընտրված նախագահ է: Բերձորի միջադեպով իշխանությունները վարժանք անցկացրին ապագա ընտրությունների համար, ցույց են տալիս՝ ինչպես կվարվեն, ինչերի կդիմեն»:
Ազատ Արշակյանի խոսքով էլ, Ժիրայր Սեֆիլյանն ու մյուսները իրավունք ունեին գնալ Արցախ՝ անկախ նրանից, ինչ գաղափարախոսություն ունեին.
«Այդ որոշումը կայացնողները կոմպետենտ չեն, Սահմանադրությանը ծանոթ չեն, կոպիտ սխալ էր»:
Նա կարծիք հայտնեց, որ ԼՂՀ իշխանությունը շոկի մեջ է կատարվածից ու կարծում է, որ ներողություն կխնդրեն: Եթե սա էլ կուլ տան, ուրեմն արդեն…»
«Արդեն մարսել են»,- հակադարձեց Գուրգեն Եղիազարյանը:
Արփինե ՍԻՄՈՆՅԱՆ
