Երեկ Վարդգես Գասպարին միայնակ բողոքի ցույցի էր դուրս եկել Հայաստանում
ԼՂՀ ներկայացուցչության առաջ՝ Բերձորի մոտ կատարված հայտնի դեպքերի մասին պաստառով: Միայնակ էր, որովհետեւ կազմակերպիչները չեկան:
Ցուցարարն «Առավոտին» ասաց, թե անկախ նրանից՝ ինչպիսին են քննարկումները Հիմնադիր խորհրդարանի ավտոերթի մասին, միեւնույն է՝ այն խաղաղ ցույց էր, որը բռնությամբ կասեցվել է: «Քանի որ Հայաստանի քաղաքացիական հասարակության ներկայացուցիչներս Հայաստանում ոստիկաններին սովորեցնում ենք, թե իրենց ինչ է կարելի, ինչ՝ ոչ, հիմա էլ եկել եմ Ղարաբաղի ոստիկանությանը հուշեմ, որ խաղաղ ցույցը չի կարելի կասեցնել: Հուսով եմ՝ ուղերձս տեղ կհասնի»,- ասաց նա:
Լուսանկարը՝ ԳՈՀԱՐ ՀԱԿՈԲՅԱՆԻ
«Առավոտ» օրաթերթ
04.02.2015
