Այսօր՝ փետրվարի 3-ին պետք է բողոքի ցույց կայանար Հայաստանում ԼՂՀ ներկայացուցչության շենքի մոտ: Ֆեյսբուքով էլ իրազեկել էին օգտատերերին, թե «Հունվարի 31-ին ԼՂՀ Ոստիկանությունը դաժան բռնություններ է կատարել ընդդիմադիր ավտոերթի մասնակիցների դեմ… Մարդկանց են ծեծել, մեքենաներն ու տեսախցիկները` ջարդել: Մենք գնում ենք ԼՂՀ ներկայացուցչություն` մեր բողոքը արտահայտելու ԼՂՀ իշխանությունների կողմից մարդու իրավունքները և ժողովրդավարության տարրական հիմունքները զանգվածաբար ոտնահարելու դեմ»:
ԼՂՀ ներկայացուցչության մոտ, սակայն, բացի Վարդգես Գասպարիից, 9 լրագրողից ու դրսում սպասող 8 ոստիկանից, ոչ ոք չկար: Ցույցի կազմակերպիչներից մի քանիսը սպասում էին դիմացի մայթին կայանած մեքենայում: Երբ լրագրողներով մոտեցանք, ասացին, որ սպասում են մյուսներին: «Մյուսներն» այդպես էլ չեկան, իսկ մեքենան քիչ հետո անաղմուկ հեռացավ: Լրագրողները եւս մեկ ժամ սպասելուց հետո (ցույցը պետք է կայանար 18:30) որոշեցին հեռանալ, քանի որ այլ բան չէր մնում անելու:
Կարդացեք նաև
Հավելենք, որ Վարդգես Գասպարիից քիչ հեռու մի քանի երիտասարդ էին կանգնած: Նրանցից փողկապավորը լրագրող ներկայանալով լուսանկարեց ցուցարարին:
Aravot.am-ը հետաքրքրվեց՝ ովքեր են: Ասացին, որ իբր տարածքի բնակիչներ են: Նրանք հեռախոսով խոսում էին ինչ-որ մեկի հետ ու ներկայացնում, թե ինչ է կատարվում տեղում:
Գոհար ՀԱԿՈԲՅԱՆ
Մե՛կ ցուցարարի էֆեկտը շատ ավելի մեծ է. սինվոլային է:
Ես հարգում եմ Վարդգես Գասպարիին: