Վերաքննիչ քրեական դատարանը պատրաստվում է հրապարակել «Ցեղակրոն» կուսակցության նախագահ Շանթ Հարությունյանի եւ ընկերների գործով դատավճիռը:
Հիշեցնենք, որ Շանթ Հարությունյանն ու ընկերները Վերաքննիչ քրեական դատարանում բողոքարկում էին առաջին ատյանի դատարանի որոշումը՝ խուլիգանության հոդվածով իրենց ազատազրկման դատապարտելու մասին:
Դատական նիստին ներկա է նաեւ «Ժառանգություն» կուսակցության առաջնորդ Րաֆֆի Հովհաննիսյանը, այս պահին դատարանում է՝ սատարելու Շանթին ու ընկերներին: Նրա խոսքով. «Շանթն ու ընկերները քաղբանտարկյալ են, ու մենք պետք է հասնենք արդարության, արդարության՝ Հայաստանում»:
Մեր հարցին, թե նախքան դատավճիռը ՀՀ նախագահը հայտարարել էր, որ Շանթն ու ընկերները քաղբանտարկյալ չեն, այլ հանցագործություն կատարած անձինք, Րաֆֆի Հովհաննիսյանը պատասխանեց, թե Սերժ Սարգսյանը ՀՀ նախագահ չէ, որովհետեւ նա ժողովրդի կողմից չի ընտրվել: Ինչ վերաբերում է նրա վաղաժամ հայտարարությանը, ասաց, որ Սերժ Սարգսյանը խախտել է անմեղության կանխավարկածը:
Կարդացեք նաև
Արփինե ՍԻՄՈՆՅԱՆ
