Հայաստանի լավագույն շախմատիստ Լեւոն Արոնյանը վերջին շրջանում առանց դադարի մասնակցում է միմյանց հաջորդող ծանր ու տանջալից գերմրցաշարերի: Որոշ մասնագետների կարծիքով, թերեւս հոգնածությունն է պատճառը, որ նա չի ցուցադրում իրեն հատուկ բարձրակարգ խաղը: Նա մի որոշ ժամանակ հանգստանալու կարիք ունի: Չնայած դրան, Արոնյանը շարունակում է:
Օրերս ավարտված Վեյկ-ան-Զեեի փառատոնից հետո Լեւոնը մեկնել է Բադեն-Բադեն, որտեղ «GRENKE Chess Classic 2015»-ի շրջանակներում փետրվարի 2-9-ը խաղալու է Մագնուս Կարլսենի, Ֆաբիանո Կարուանայի, Վիշվանաթան Անանդի, Մայքլ Ադամսի, Էտյեն Բակրոյի, Արկադի Նայդիչի եւ Դավիթ Բարամիձեի ընկերակցությամբ: Իսկ դրանից եւս երեք օր անց արդեն Ցյուրիխում՝ «Zurish Chess Chalenge 2015»-ում, հանդես է գալու Ֆաբիանո Կարուանայի, Վիշվանաթան Անանդի, Վլադիմիր Կրամնիկի, Հիկարու Նակամուրայի եւ Սերգեյ Կարյակինի մասնակցությամբ մրցաշարին:
Աշոտ ՀԱԿՈԲՅԱՆ
