Տիգրան Կարապետյանի կարծիքով՝ կատարվածը պետք է դաս լինի
«Ամեն ինչ չէ պարզաբանված»,- հունվարի 31-ին «Հայելի» մամուլի ակումբում, անդրադառնալով Գյումրիում Ավետիսյանների ընտանիքի յոթ անդամների սպանությանը, ասաց «Ժողովրդական» կուսակցության առաջնորդ Տիգրան Կարապետյանը:
Նա համարում է, որ մեկ հոգի չէր կարող սպանել Ավետիսյանների ընտանիքի յոթ անդամներին եւ ապացույցներ թողնել. «Մյուս կողմից ամեն ինչ Գյումրու վրա է գալիս, Գյումրին Հայաստանի բարոյականության մայրաքաղաքն է, այնտեղ հայությունը ավելի ազգային է: Գուցե այդ ոգին են ուզում կոտրել: Մեզ բոլորիս համար պետք է դաս լինի, որ ինչքան էլ ասենք ռուսամետ ենք, եվրոպամետ ենք, մենք պետք է հայամետ լինենք: Մեզնից պետք է վախենան, որ մենք կարող ենք հակաքայլեր անել: Ես դեռ հակաքայլեր չեմ տեսել, եւ դա պետք է շեշտվի իշխանությունների կողմից, իշխանություններն ազատ չեն, կախյալ են Ռուսաստանի Դաշնությունից»:
Նա համարում է, որ սպանություն կատարած անձը պետք է իր պատիժը Հայաստանում կրի. «Այդ սպանությունը հայի հողում է եղել, հայի հողում էլ պետք է պատիժ կրի, որ միշտ հետեւենք, ոչ թե 8-10 տարի հետո հնանա: Հայաստանը պետք է իր դիրքերը պահի»:
Կարդացեք նաև
Ամի ՉԻՉԱԿՅԱՆ
