Եվրոպայի խորհրդի խորհրդարանական վեհաժողովը, (ԵԽԽՎ) ձմեռային նստաշրջանի աշխատանքների ընթացքում, վկայակոչելով Եվրամիության արդարադատության դատարանի կարծիքը, կոչ արեց անհապաղ բանակցային քայլեր ձեռնարկել Եվրոպական միության` Մարդու իրավունքների եվրոպական հռչակագրին միանալու հարցով:
Նշենք, որ հունվարի 27-ին Վեհաժողովը ԵՄ-ԵԽ փոխըմբռնման հուշագրի իրականացման մասին փաստաթուղթ է ընդունել:
Շվեդ պատգամավոր Քերսթին Լունդգրենի զեկույցի հիման վրա ստեղծված որոշման նախագծում ամրագրված է. «ԵՄ արդարադատության դատարանի նշած խոչընդոտները հնարավորինս սեղմ ժամկետներում պետք է վերացվեն, որպեսզի համապատասխանեն բոլոր կողմերի քաղաքական նպատակադրումներին, ինչպես արտացոլված է Լիսաբոնի պայմանագրում»:
Վեհաժողովը համարել է, որ վերահաստատում է իր նպատակադրվածությունը երկու կառույցների համագործակցության ապահովման հարցում` նշելով, որ այդ համագործակցությունը «կայուն աճ» է գրանցում:
Կարդացեք նաև
Տաթև ՀԱՐՈՒԹՅՈՒՆՅԱՆ
