Այսօր ԱԺ մարդու իրավունքների պաշտպանության եւ հանրային հարցերի մշտական հանձնաժողովը երկրորդ ընթերցմամբ եւ ամբողջությամբ առաջիկա քառօրյայի օրակարգ ընդգրկեց «Կուսակցությունների մասին» Հայաստանի Հանրապետության օրենքում փոփոխություն կատարելու մասին օրենքի նախագիծը:
Այն, ինչպես ներկայացրեց հարցի հիմնական զեկուցող, ՀՀԿ խմբակցության պատգամավոր Հայկ Բաբուխանյանը, վերաբերում է պետության կողմից կուսակցությունների ֆինանսավորմանը:
Պետական ֆինանսավորում ստացող կուսակցությունները, եթե հաշվետու տարվա ընթացքում ստանում են երեք միլիոնից ավելի գումար, միայն այդ դեպքում է նրանց մուտքերն ու ելքերը աուդիտի ենթարկվում:
Հարակից զեկուցող Ալեքսանդր Արզումանյանն էլ դրվատանքի խոսք հնչեցրեց կառավարության հասցեին, որ դրական են արձագանքել պատգամավորների առաջարկին:
Կարդացեք նաև
Նախագիծն ընդունվեց միաձայն:
Նելլի ԳՐԻԳՈՐՅԱՆ
