ԵԱՀԿ Մինսկի խմբի համանախագահների երեկվա հայտարարությունն աննախադեպ է հրադադարի արդեն 20 տարվա ընթացքում: Այս մասին Lragir.am-ի հետ զրուցում ասաց Տարածաշրջանային հետազոտությունների կենտրոնի առաջատար փորձագետ, արտակարգ եւ լիազոր դեսպան, 1992-95 թթ ՀՀ նախագահի հատուկ հանձնարարություններով դեսպան Դավիթ Շահնազարյանը:
Ըստ նրա, այսպիսով համանախագահները հրաժարվել են իրենց «բալանսավորված» մոտեցումից և հստակ մեղադրել են Ադրբեջանին թե հրադադարի խախտման պատասխանատվությունը կրելու, թե հայ-ադրբեջանական սահմանում և թե ղարաբաղա-ադրբեջանական շփման գծում լարվածության ստեղծման մեջ:
Հիշեցնենք, որ այդ հայտարարությունում ասվում է. «Մենք կոչ ենք արել Ադրբեջանին հավատարիմ մնալ հակամարտությունը խաղաղ կարգավորելու՝ իր ստանձնած պարտավորություններին»:
«Այսինքն՝ արդեն նախքան այդ հայտարարությունը համանախագահներն այդ կոչն են ուղղել Ադրբեջանին»,- ասում է Դավիթ Շահնազարյանը: Անդրադառնալով հայտարարության այն հատվածին, թե «մենք կոչ ենք անում Հայաստանին բոլոր միջոցները ձեռնարկել լարվածությունը նվազեցնելու ուղղությամբ», Դավիթ Շահնազարյանը նշեց, որ այս ասիմետրիկ մոտեցումով առաջին անգամ համանախագահները հաշվի են առել իրողությունները, և պատասխանատվությունը դրել են Ադրբեջանի վրա:
Կարդացեք նաև
Նյութի մանրամասները կարդացեք սկզբնաղբյուր կայքում
