Աշխարհի ամենահեղինակավոր իրավապաշտպան կազմակերպություններից մեկը` Freedom House-ը այսօր հրապարակած «Ազատությունն աշխարհում» տարեկան զեկույցում կրկին արձանագրում է` «Հայաստանը, ինչպես և նախորդ տարիներին, շարունակում է մնալ մասամբ ազատ պետությունների խմբում»:
Freedom House-ի փորձագետները աշխարհի 195 պետություններում և 15 չճանաչված տարածքներում ազատությունների վիճակը գնահատել են 7-բալանոց համակարգով. որքան ավելի բարձր է երկրի ստացած միավորը, այնքան իրադրությունն այդ պետությունում ավելի խնդրահարույց է: Հայաստանն այս առումով միջանկյալ միավորներ ունեցող պետությունների թվում է՝ քաղաքական համակարգի ազատությունը Freedom House-ը գնահատում է 5, իսկ քաղաքացիական ազատություններինը` 4 միավոր:
Freedom House-ը անդրադարձել է նաև Լեռնային Ղարաբաղում ազատությունների վիճակին` չճանաչված հանրապետությունը ևս դասելով մասամբ ազատների շարքին: Այստեղ թե՛ քաղաքական համակարգի և թե՛ քաղաքացիական ազատությունների մակարդակը ամերիկացի իրավապաշտպանները գնահատել են 5-ական միավոր:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
