Եվրամիության անդամ երկրների արտաքին գործերի նախարարները պայմանավորվել են Ռուսաստանի նկատմամբ պատժամիջոցները երկարաձգել 6 ամսով: Դրա պատճառը Ուկրաինայի արևելքում իրավիճակի կտրուկ վատացումն է, փոխանցում է «Ռոսբալտ»-ը:
Ինչպես հաղորդում է «Ռոյթերս»-ը, որոշումն ընդունվել է ԵՄ երկրների արտգործնախարարների արտակարգ հանդիպման ժամանակ: Նշված է, որ պատժամիջոցները կերկարաձգվեն մարտին:
«ԻՅու Օբզերվեր»-ի փոխանցմամբ, արտակարգ հանդիպման մասնակիցները պատրաստ են ընդլայնել անհատների նկատմամբ պատժամիջոցների ցուցակը: Սպասվում է, որ ՌԴ դեմ նոր պատժամիջոցների վերջնական որոշումը կընդունվի փետրվարի 12-ին՝ ԵՄ գագաթնաժողովին:
«Մենք մեր մտահոգությունն ենք հայտնում Ուկրաինայի արևելքում անվտանգության և հումանիտար հարցերի վատացման կապակցությամբ: Մենք դատապարտում ենք 2015թ. հունվարի 24-ին Մարիուպոլ քաղաքում խառնաշփոթ կրակոցների հետևանքով խաղաղ բնակիչների սպանությունները», – համատեղ հայտարարությունում նշել են ԵՄ արտգործ նախարարները՝ Ռուսաստանին կոչ անելով դատապարտել անջատականների գործողությունները ու կատարել Մինսկի համաձայնագրով ստանձնած պարտավորությունները:
Կարդացեք նաև
Պատրաստեց Հովհաննես ԻՇԽԱՆՅԱՆԸ
