«Հանձնաժողովը քննարկել է «Նաիրիտի» վերագործարկման հնարավորությունները: Գործարանի ղեկավար մասնագետների կողմից կա ներկայացված ծրագիր, կան միջազգային աուդիտներ, եզրակացություններ, որ «Նաիրիտն» ի վիճակի է աշխատելու»,- Aravot.am –ի հետ զրույցում «Նաիրիտի» հարցով խորհրդարանական ենթահանձնաժողովի երեկ կայացած նիստից մանրամասներ ներկայացրեց գործարանի աշխատակից Հրաչյա Թադեւոսյանն, որը մասնակցել էր քննարկմանը:
Հիշեցնենք, որ խորհրդարանական հանձնաժողովը ստեղծվել է «Նաիրիտի» վերագործարկման իրական հնարավորությունները ստուգելու համար:
Aravot.am-ի հարցին՝ իր գնահատմամբ ի՞նչ տրամադրություններ կան ենթահանձնաժողովի անդամների մոտ, մեր զրուցակիցն ասաց. «Պատգամավորները ոնց որ թե համոզվեցին, որ գործարանը կարող է աշխատել եկամուտով՝ որոշակի ներդրումներ անելուց եւ ներկայիս պարտքերը մարելուց հետո»:
Հստակ պայմանավորվածությունների, վերջնական արդյունքների դեռ չեն հանգել: Քննարկումները առաջիկայում կշարունակվեն թե ենթահանձնաժողովի շրջանակներում, թե կառավարությունում:
Կարդացեք նաև
Ենթահանձնաժողովում ե՞րբ կլինի հաջորդ քննարկումը, մեր զրուցակիցը տեղեկացված չէր:
Նելլի ԳՐԻԳՈՐՅԱՆ
