Փետրվարի 24-ից մարտի 8-ը Երուսաղեմում կայանալու է շախմատի Եվրոպայի տղամարդկանց անհատական առաջնությունը, որին մասնակցելու հայտ առայժմ ներկայացրել է 205 շախմատիստ (107 գրոսմայստեր):
Հայաստանի շախմատիստները արդեն հաստատել են իրենց մասնակցությունը: Իսրայելում պայքարի մեջ կմտնեն գրոսմայստերներ Հրանտ Մելքումյանը, Գաբրիել Սարգսյանը, Վլադիմիր Հակոբյանը, Զավեն Անդրիասյանը, Ռոբերտ Հովհաննիսյանը, Սամվել Տեր-Սահակյանը, Հայաստանի նորընծա չեմպիոն Կարեն Գրիգորյանը, ինչպես նաեւ հանրապետության փոխչեմպիոն Արման Միքայելյանը եւ Սանկտ-Պետերբուրգում բնակվող, սակայն մշտապես Հայաստանի դրոշի ներքո հանդես եկող Վլադիմիր Պողոսյանը:
Աշոտ ՀԱԿՈԲՅԱՆ
