Վերջին շրջանում, երբ խիստ լարված է ղարաբաղա-ադրբեջանական շփման գիծը, ադրբեջանցիները դիվերսիոն գործողություններ են անում, ու մահացու պատասխանն էլ ստանում, հանրության մարտական ոգին բարձր պահելու յուրօրինակ դրսեւորումներ են արտահայտվում: Մարդ կա՝ զենքը ձեռքին սահմանին է հայրենասիրությունը ցույց տալիս, մարդ էլ կա՝ Ադրբեջանին հայհոյելով: Լուսանկարի ավտոմեքենայի վարորդի մարտական ոգին «տեղն է», նա «F**K Azerbaijan» գրառումով «իսկական, արժանի հակահարված է» տալիս թշնամուն՝ իհարկե, սահմանափակվելով միայն ՀՀ տարածքում մեքենան վարելով: Դժվար չէ պատկերացնել՝ ինչ կլինի, եթե հանկարծ այս գրառումով մեքենան Հայաստանի սահմանը հատի:
Ոմանք էլ հայրենասիրությունից դրդված Հայաստանի քարտեզով ու հայկական այբուբենով
շապիկներ են կրում: «Վերնիսաժի» առեւտրականներից մեկն ասաց, որ վերջերս ավելացել է Մոնթե Մելքոնյանի դիմանկարով ու ԱՍԱԼԱ շապիկների պահանջարկը.
«Մոնթե ու ԱՍԱԼԱ հատուկ, հասկացող մարդիկ են առնում»:
Լուսանկարները՝
ՆԵԼԼԻ ԲԱԲԱՅԱՆԻ
Կարդացեք նաև
«Առավոտ» օրաթերթ
27.01.2015
