Հայաստանը զբաղեցրել է 113-րդ տեղը բրիտանական «Economist Intelligence Unit» կազմակերպության «2014թ. Ժողովրդավարության ցուցիչ»-ում, փոխանցում է «Դելավոյ Էքսպրեսը»:
Ուսումնասիրության մեջ ներառված 167 երկրները բաժանված են 4 կարգերի՝ ամբողջովին ժողովրդավար, մասամբ ժողովրդավար, հիբրիդային ռեժիմ և ավտորիտար ռեժիմ:
Ցանկը կազմվել է հաշվի առնելով 5 բաղադրիչներ՝ ընտրական գործընթաց և բազմակարծություն, քաղաքացիական ազատություններ, կառավարության գործունեություն, քաղաքական մասնակցություն, քաղաքական մշակույթ: Հայաստանը ստացել է 4.13 միավոր՝ ընդգրկվելով հիբրիդային ռեժիմի երկրների մեջ:
Տարածաշրջանում Հայաստանից առաջ են միայն Վրաստանն ու Թուրքիան, որոնք զբաղեցրել են 81-րդ և 98-րդ տեղերը համապատասխանաբար:
Կարդացեք նաև
Ադրբեջանը, Իրանը և Ռուսաստանը ավտորիտար երկրների շարքում են՝ զբաղեցնելով 148-րդ, 158-րդ, 132-րդ հորիզոնականները համապատասխանաբար:
Ըստ հետազոտության, ժողովրդավարության հարցում լավագույն երկրներն են՝ Նորվեգիան, Շվեդիան, Իսլանդիան, Նոր Զելանդիան և Դանիան:
Պատրաստեց Հովհաննես ԻՇԽԱՆՅԱՆԸ
