ԵԽԽՎ նախագահ Անն Բրասյորը Ուկրաինայի արևելքում, որտեղ վերջերս սրվել է իրավիճակը, հակամարտող կողմերին կրկին կոչ է արել դադարեցնել մարտերն ու հարգել Մինսկի համաձայնագրով ձեռք բերված հրադադարի ռեժիմը, ասված է ԵԽԽՎ կայքում:
«Չնայած վերջին շրջանում ակտիվացել են դիվանագիտական ջանքերը, ես լրջորեն մտահոգված եմ նոր բռնություններով և սադրիչ հռետորաբանությամբ, որը վտանգի տակ է դնում Մինսկի գործընթացը: Վեհաժողովի առաջիկա նիստին ընդառաջ, որը տեղի է ունենում երկուշաբթի, ես բոլոր կողմերին, հատկապես քաղաքական գործիչներին, կոչ եմ անում հավատարիմ մնալ իրենց ստանձնած պարտավորություններին: Մինսկի գործընթացը պատերազմը կանգնեցնելու մեր հնարավորությունն է, քանի որ հրադադարի ռեժիմի վերաբերյալ համաձայնագիրը ստորագրել են բոլոր կողմերը: Այնպես որ, ես կոչ եմ անում անհապաղ դադարեցնել ռազմական գործողությունները, դուրս բերել զորքերն ու ծանր սպառազինությունը, ինչպես նաև ազատ արձակել պատանդներին և ձերբակալված մարդկանց», – ասել է Բրասյորը:
Լարվածությունը աճել է հատկապես Դոնեցկ և Մարիուպոլ քաղաքներում: Վերջինում, ռազմական գործողությունների արդյունքում, հաղորդվում է խաղաղ բնակչության շրջանում տասնյակ զոհերի մասին:
Պատրաստեց Հովհաննես ԻՇԽԱՆՅԱՆԸ
Կարդացեք նաև
