Վանաձորում ավարտվեց հունահռոմեական ըմբշամարտի Հայաստանի առաջնությունը, որին մասնակցեցին Հայաստանի ուժեղագույն ընբիշները՝ բացառությամբ աշխարհի չեմպիոններ Արթուր Ալեքսանյանի եւ Արսեն Ջուլֆալակյանի: Սակայն նրանց բացակայությունը չազդեց պայքարի սրության վրա:
Երկրորդ օրը մրցագորգը տրամադրվել էր 66, 75, 85 եւ 130 կգ քաշայիններին, որտեղ, համապատասխանաբար, չեմպիոնի կոչումը նվաճեցին Արամ Ջուլֆալակյանը, Կարապետ Չալյանը, Արթուր Շահինյանը եւ Էդգար Խաչատրյանը: 130 կգ քաշային կարգում հայտավորվել էր ընդամենը հինգ ըմբիշ (Այս քաշային կարգը խնդիր է ամբողջ աշխարհում: Ա. Հ.), այդ պատճառով լավագույնին որոշելու համար կազմակերպիչները նրանց մեջ պայքարը կազմակերպել էին շրջանային մրցակարգով:
Աշոտ ՀԱԿՈԲՅԱՆ
Լուսանկարը՝ sportworld.am-ի
