Հոլանդիայի Վեյկ-ան-Զեե քաղաքում այսօր ավարտված «Tata Steel Chess» 77-րդ շախմատային գերմրցաշարը հերթական հաղթանակով ավարտեց ամերիկահայ Սամուել Սեւյանը՝ եզրափակիչ տուրում պարտության մատնելով Յան Թիմանին: Գերմրցաշարի Challengers խմբի պայքարին առաջին անգամ մասնակցելու հրավեր ստացած պատանի գրոսմայստերը Հոլանդիայում տարավ 5 հաղթանակ, 5 պարտիա ավարտեց ոչ-ոքի, կրեց 3 պարտություն եւ 14 մասնակիցների մեջ 7,5 միավորով գրավեց 5-րդ տեղը:
Հակառակ իր պատանի հայրենակցի, ուժեղագույնների խմբի հնաբնակ Լեւոն Արոնյանը սպիտակներով պարտվեց Դիրեն Լինին՝ ամփոփիչ մրցաշարային աղյուսակում 5,5 միավորով զբաղեցնելով անսովոր 10-րդ հորիզոնականը: Հետաքրքիր է, որ Արոնյանը տարավ ընդամենը մեկ հաղթանակ, արեց ինը ոչ-ոքի եւ կրեց երեք պարտություն:
Աշոտ ՀԱԿՈԲՅԱՆ
Լուսանկարը՝ tatasteelchess.com-ի
Կարդացեք նաև
Լավ կլիներ, որ վերջապես ՀՀ շախմատի ֆեդերացիան գնահատեր Արոնյանի ելույթները և ձեռնարկեր գործնական քայլեր նման երակարաշունչ ճգնաժամից նրան հանելու ուղղությամբ:
Էդ որ գրում եք- պատանի հայրենակից, չեիք կարող իրենից մի երկու տող գրել, նաև իր վերաբերմունքի մասին հայության գաղափարին: Արոնյանը կողքին էր, մենք էլ կիմանանք, թե ինչքանով է հայրենակից: