«Հրանտ Դինքի ընկերներ» խումբը խստորեն դատապարտել է Թուրքիայի իշխանություններին՝ Դինքի սպանությունը գյուլենական շարժման հետ կապելու փորձ անելու համար՝ կոչ անելով բացահայտել հանցանքի իրական մեղավորներին, փոխանցում է «Թըդեյս Զաման»-ը:
Խումբը հունվարի 23-ին մամուլի ասուլիս է տվել Չաղլայան դատարանի դիմաց՝ Դինքի դատական գործի վերանայման 8-րդ նիստից առաջ: Վերլուծաբան Այդըն Էնգինը նշել է, որ փորձ է արվում սպանությունը կապել մեկ անձի կամ խմբի հետ.
«Փորձում են սպանությունը կապել «զուգահեռ» (այսպես է անվանում Էրդողանը գյուլենական շարժումը) կոչվող անորոշ կառույցի հետ: Սակայն մենք հենց սկզբից գիտեինք, որ այս հանցագործությունը կատարվել է ազգային հողի վրա», – ասել է նա՝ ավելացնելով, որ այս դատավարությունը պարզապես թատրոն է ու Արդարություն և զարգացում իշխող կուսակցությունն այն օգտագործում է իր քաղաքական շահերի համար՝ հանցանքը կապելով գյուլենական շարժման հետ:
Ֆեթուլլահ Գյուլենի արդի իսլամ քարոզող շարժման և Թուրքիայի նախագահ Ռեջեփ Թայիփ Էրդողանի միջև առճակատումը սկսվել է 2013թ. կոռուպցիոն սկանդալից, որի մեջ ներգրավված էին մի շարք բարձրաստիճան պաշտոնյաներ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
