Գյումրեցի ակտիվիստները նախաձեռնել են ստորագրահավաք-պահանջագիր, որն ուղղված է ՀՀ նախագահին եւ ՀՀ Ազգային ժողովին
Պահանջում են.
1.Կասկածյալները պետք է գտնվեն ՀՀ իրավազորության ներքո եւ պատիժը պետք է կրեն ՀՀ արդարադատության կողմից:
2. Համալրել ՀՀ-ում ռուսական ռազմաբազաների վերաբերյալ միջպետական համաձայնագրերը, պարտադիր ամրագրելով հետեւյալ կետը՝ ՀՀ տարածքում կարող են ծառայել ՌԴ զինված ուժերի որոշակի ցենզի համապատասխանող պայմանագրային զինծառայողներ:
Կարդացեք նաև
Հենց նոր ակտիվիստներից մեկը՝ Արմեն Ներսիսյանը հայտարարեց, որ Գյումրին չի կարող աքսորավայր դառնալ ռուս զինվորականների համար եւ եթե գլխավոր դատախազը առաջիկայում չկատարի իր տղամարդու խոստումը, Գյումրիում կշարունակվեն բողոքի ակցիաները: «Չեմ կարող ասել գյումրեցին որքան կարող է սպասել դատախազի տղամարդու խոսքին, գյումրեցին համբերության բաժակ ունի: Ճիշտ է, Գյումրիում այս պահին խաղաղ ու հանդարտ է, բայց գյումրեցին պահանջատեր է: Լարվածության թուլացման միակ միջոցը ադեկվատ քայլերն են համապատասխան մարմինների կողմից:
Ստորագրահավաք-պահանջագիրը ամենայն հավանականությամբ կդառնա համաժողովրդական:
Մանրամասները՝ քիչ անց:
Նունե ԱՐԵՎՇԱՏՅԱՆ
