Արդեն տեղեկացրել էինք, որ կառավարությունը որոշել է սպիտակ շաքարի ներմուծումը 3-րդ երկրներից թույլատրել 10 % ներմուծման մաքսատուրքի վճարման պայմանով` 1 տարվա ընթացքում 4 000 տոննայից ոչ ավելի ծավալով:
Այսօր կառավարության նիստից հետո ՀՀ էկոնոմիկայի նախարար Կարեն Ճշմարիտյանին խնդրեցինք մանրամասնել այդ որոշումը:
Ըստ նախարարի, 4000 ներմուծման քվոտան վերաբերում է «Կոկա-Կոլային» եւ «Պեպսի-Կոլային»` 2 տարով, մինչեւ 2016 թվականի վերջը, մինչեւ իրենք նոր մատակարարող կգտեն: Իրենց այդ շաքարի տեսակը յուրատեսակ է, որը միայն «Պեպսիի» ու «Կոլայի» համար է: Իրենք միշտ էլ ներկրել են այս ծավալով, պահպանել ենք իրենց գոյություն ունեցող ռեժիմը, կլիցենզավորվեն ու կստանան իրենց ապրանքը: Սովորական շուկայում առանձին բացառություն չկա: Հաջորդ որոշումը, որը վերաբերում է ներմուծված հումքից արտադրանքի ստեղծմանը, որը գոյություն ունի Եվրասիական տնտեսական միությունում իրենց ունեցած կարգի, որը մեզանից շատ չի տարբերվում»:
Հարցին` շաքարավազի ներկրող «Ալեքս Գրիգ» ընկերության սեփականատեր Սամվել Ալեքսանյանի մենաշնորհը պահպանվելո՞ւ է, պարոն Ճշմարիտյանն ասաց. «Որոշումը դրա հետ կապ չունի: Բայց, եթե որեւէ մեկը կբերի ավելի էժան, որակով, ավելի մեծ քանակով, շուկան ինքը կկարգավորի»:
Կարդացեք նաև
Նելլի ԲԱԲԱՅԱՆ
