«Այս ողբերգությունը ձեռագիր ունի, եւ այդ ձեռագիրը փաստեց մարդասպանը»,- այսօր՝ հունվարի 22-ին, «Իրատես de facto» մամլո ակումբում լրագրողների հետ հանդիպման ընթացքում հայտարարեց քաղաքական գործիչ Գուրգեն Եղիազարյանը:
Ըստ նրա՝ պատվիրատուն պատվիրել է, որպեսզի մարդասպանն ընտանիքի անդամներին սպանի, իսկ երեխային՝ սվինահարի. «Նախաքննությունը պետք է անցկացներ Հայաստանի Հանրապետությունը, քանզի հանցագործությունը սկսվել է 102 ռազմաբազայում եւ ավարտվել է Հայաստանի վարչական տարածքում, չնայած նրան, որ մենք ունենք պայմանագիր: Գյումրիում առաջին հայացքից անտրամաբանական, անհասկանալի սպանություն է կատարվել: Մարդասպանը իրենից հետո թողել է բազում հետքեր»:
Գուրգեն Եղիազարյանը համարում է, որ Վալերի Պերմյակովը հատուկ է թողել ապացույցները, նա կատարվածի մեջ թուրքական հետք է տեսնում. «Թուրք-ադրբեջանական հատուկ ծառայությունները հասկացան, որ ռուս -թուրքական բարեկամությունը ջլատել չի լինում, իսկ այս դեպքից հետո մարդիկ հավաքեցին: Որպես կանոն, մարդասպանը աշխատում է հետք չթողնել եւ, որպես կանոն, մարդասպանը չունի ազգություն: Երբ Ֆրանսիայում 12 մարդ սպանեցին, հաջորդ օրը նրանց հետ մահմեդականները դուրս էին եկել ցույցի»:
Պարոն Եղիազարյանի կարծիքով՝ եթե ռազմաբազան Գյումրիից դուրս գա, մենք հնարավորություն չունենք այդ սահմանը պահելու: Ըստ նրա՝ ռազմաբազան օդ ու ջրի պես պետք է Հայաստանին:
Կարդացեք նաև
Մանրամասները՝ տեսանյութում:
Ամի ՉԻՉԱԿՅԱՆ
Պրն Եղիազարյան, կասե՞ք, թե ինչու՞ աֆրիկյան ամենաաննշան երկրները կարողանում են անկախանալ, իսկ մեր հնամենի երկիրը՝ ոչ…աշխարհում շատ բան է փոխվել, բացի ոմանց գիտակցության մեջ…ուրեմն, եկեք մեր հայուհիններին էլ զինվորագրեք… Մեր մեծագույն ու անշտկելի ցավն այն է, որ անկախությունից ի վեր ազգային նպատակների համար ոչինչ չարվեց, առաջին նախագահը հայտարարում էր, թե ազգային գաղափարախոսությունը կեղծ կատեգորիա է, իսկ վերջին 2-էլ մի թիզ հողի վրա, արդեն 17 տարի է <> են խաղում, արտաքին քաղաքականություն էլ չունենք…մի նախագահ, որ դրսում՝ Պրահայում Հայաստանից ճարահատյալ գաղթականներին ասի, թե Հայաստանի ներքին հարցերը լոկ հայաստանցիների գործն է, էլ ի՞նչ սպասենք…գոնե դուք մի կրկնեք 100 տարի առաջվա միտքը, որում մեծ դեր ունեն անհասկանալի ռուսներն իրենց գերտերության սահմաններն ամրացնելու համար… մենք ունենք նորմալ հարևան՝ Իրանը, որը կարող է և առաջարկում է էժան գազ, բայց ՌԴ ճնշման տակ մեր անկարող ղեկավարությունը չի ընդունում…
Հարգելիս իսկ ինչ էիք սպասըմ ՊԱԿ նախկին աշխատակցից